Ang Pag-usbong Sa BisRock

wa nako damha nga moabot ra diay ang panahon nga ang mga kabatan-onang bisaya makakat-on ra gihapon ug angay sa kantang binisaya. mao ni ahong reaksyon sa pagsikat sa BisRock eksena didto sa Cebu ug sa uban pang mga dapit sa Kabisayaan ug Mindanao.

Pero ahong namatikdan nga wala jud koy nadunggan pang bandang bol-anon nga murag misaka-saka ug gamay ang status sa eksenang indie nga maoy in na in karon. asa ra man ang H2O (sila pay sikat sa paglakaw naho)... ang uban pang mga banda sa among panahon. ang Diwata nga kung wa ko masayop, nakapagawas na ug independent nga album dugay na sa wala pa mailhi ang word nga indie.

naa koy nakit-an nga taga-bohol nga hiphop nga grupo sa soundclick.com. ambot ug seryoso ba tong mga bataa. hinaot unta aron mailhan pod tawn ang atong mga talent sa bohol. kay sa dili pagpanghambog, kung sa music lang, dili sad ta maulahi oy.

sa tanang mga musikerong bol-anon, mga banda bag-o o beterano, rock to hiphop, to pop, to ethnic, to punk to reggae, to new wave.... basta panggawas mo sa inyong mga kukab ug ipakita nga naay ikabuga ang kadugong bol-anon!

Unang Bidlisiw

Kining maong blog gihimo agig pahinungod sa akong mahal nga lalawigan ug mga kadugong bol-anon. Ang mga mosunod nga mga sulod aning maong blog puros nahasulat sa inistoryahan ug mga terminolohiyang bol-anon, kinaraan man o binag-o, ug mahitungod sa mga istoryang dunay kalabutan sa Bohol ug sa mga bol-anon sa tibuok kalibutan.

Kining maong blog abli sa tanang mga sano ug sana nga adunay gustong isulat tungod sa mga kalihukan sa Bohol. Ang tanan nga Bol-anon mahimong mopasa ug entry or mopost ug comment sa bisan asang mga entries nga masulod dinhi.